Объектын жагсаалт

Объектын жагсаалт нь бүх холбогдсон төхөөрөмжийг бодит цагийн горимд хянах төв хэсэг юм. Жагсаалтаас объектын одоогийн төлөв болон сонгосон үндсэн үзүүлэлтүүдийг нэг дороос харна.

Хяналтын модуль руу нэвтрэхэд энэ жагсаалт автоматаар нээгдэнэ.

Жагсаалтын ерөнхий ойлголт

Объект бүр дараах үндсэн мэдээллийн заримыг харуулна:

• объектын нэр;
• төхөөрөмжийн холболтын төлөв;
• хөдөлгөөн эсвэл зогсолтын төлөв;
• сүүлийн мэдээлэл ирсэн хугацаа;
• сонгосон мэдрэгч болон оролтын үзүүлэлт;
• бүлгийн харьяалал.

Үзүүлэлтүүд нь төхөөрөмжийн төрөл болон байгууллагын тохиргооноос хамаарч ялгаатай байж болно.

Харагдах байдал ба хандалтын эрх

Жагсаалтад зөвхөн тухайн хэрэглэгчид харах эрх олгосон объектууд гарна. Нэг байгууллагын хэрэглэгчид өөр өөр төхөөрөмж, бүлэг эсвэл салбар харах боломжтой байж болно.

Объект харагдахгүй байвал:

1. Хайлтын үг болон идэвхтэй шүүлтүүрийг шалгана.
2. Зөв бүлэг нээлттэй байгаа эсэхийг шалгана.
3. Хэрэглэгчийн хандалтын эрхийг байгууллагын админаар шалгуулна.
4. Төхөөрөмж байгууллагад зөв холбогдсон эсэхийг шалгана.

Жагсаалтын бүтэц

Бүлэг

Олон объектыг бүлгээр зохион байгуулж болно. Бүлгийг дэлгэх эсвэл эвхэхэд доторх объектуудын харагдах байдал өөрчлөгдөнө.

Бүлгийн нэрийн дэргэд нийт болон идэвхтэй объектын тоо харагдаж болно.

Объектын мөр

Объектын мөр дээр дарахад:

• газрын зураг тухайн объект руу төвлөрөх;
• объектын мэдээллийн хэсэг нээгдэх;
• сонгосон объектын мөр идэвхтэй төлөвөөр тэмдэглэгдэх

үйлдэл хийгдэнэ.

Төлөвийн тэмдэглэгээ

Өнгө, цэг болон icon нь объектын холболт, хөдөлгөөн эсвэл анхааруулгын төлөвийг илэрхийлж болно. Төлөвийн утгыг зөвхөн өнгөөр бус текст болон icon-оор давхар харуулна.

Навигаци

Объектыг сонгосны дараа тухайн объектын дэлгэрэнгүй хэсгээс дараах мэдээлэл рүү шилжинэ:

• одоогийн байршил;
• төхөөрөмжийн мэдээлэл;
• холболтын төлөв;
• аяллын түүх;
• үйл явдал;
• дүрэм болон мэдэгдэл;
• нэмэлт тохиргоо.

Хайлт ба шүүлтүүр

Хайлтын талбарт объектын нэр, төхөөрөмжийн нэр эсвэл таних дугаарын хэсгийг оруулж болно.

Шүүлтүүрээр дараах төлөвүүдийг ялгаж харах боломжтой байж болно:

• хөдөлгөөнтэй;
• зогссон;
• онлайн;
• офлайн;
• анхааруулгатай.

Шүүлтүүр идэвхтэй үед жагсаалтад бүх объект харагдахгүй байж болохыг анхаарна уу.

Эрэмбэлэлт

Объектуудыг системийн боломжит тохиргооноос хамааран:

• нэрээр;
• зайгаар;
• төлөвөөр;
• сүүлийн мэдээллийн хугацаагаар

эрэмбэлж болно.

Аялал ба үйл явдлын түүх

Сонгосон объектын аялал болон үйл явдлын түүхийг нээхдээ эхлэх, дуусах хугацааг зөв сонгоно. Урт хугацааны түүх нь мэдээллийн хэмжээнээс шалтгаалан ачаалахад илүү хугацаа шаардаж болно.

Анхаарах зүйл

• Офлайн төхөөрөмжийн байршил нь хамгийн сүүлд ирсэн мэдээлэл байна.
• Газрын зураг дээрх байрлал болон жагсаалтын төлөв шинэчлэгдэх хугацаа бага зэрэг зөрж болно.
• Хандалтын эрхгүй объект хайлтаар гарч ирэхгүй.
• Шүүлтүүр идэвхтэй байгаа эсэхийг объект алга болсон мэт харагдсан үед эхэлж шалгана.